Category: Útgáfa

Call for abstracts for a book on #metoo

#metoo

Subject: Call for submissions

Deadline to submit abstracts: 1 December 2018

Length of articles: 5.000-7.000 words with footnotes

Submission of articles: 20 January 2019

Publication: September 2019

Giti Chandra and Irma Erlingsdottir propose a book length study in English of the many avatars of the #metoo movement around the world; a compilation of perspectives from people of all genders across nations and cultures that can be put into conversation.

The year 2017 will be remembered as the year when women ran out of tolerance for sexual harassment and violence, and the burgeoning of the #metoo revolution. While it was women in Hollywood who became the most visible face of the movement, paving the way with their accusations against Harvey Weinstein and other prominent figures, Tarana Burke’s initial birthing of the idea of Me Too, and the providing of a forum for survivors to Just Be, reminds us that the movement is nothing if not intersectional, bringing the specificity of race and class, caste and sexualities, into the universality of gender harassment. The movement, as we know, rapidly became worldwide, bringing, in its wake, all manner of support, as well as dissent, from men and women around the world. Read more »

Kallað eftir greinum í Fléttur V

#metoo

Efni: Kall eftir greinum í Fléttur V

Frestur til að tilkynna um þátttöku og skil ágripa: 1. desember 2018

Skil greina: 20. janúar 2019

Lengd greina: 5.000-7.000 orð með neðanmálsgreinum

Útgáfa: September 2019

Rannsóknarstig: 10

RIKK hefur ákveðið að standa að útgáfu nýs fræðirits sem verður hluti af ritröð RIKK, Fléttur V. Um er að ræða safn ritrýndra greina sem valdar eru í gegnum opið kall. Gert er ráð fyrir að ritið komi út í september 2019. Ritsjórar greinasafnsins eru: Þorgerður H. Þorvaldsdóttir og Kristín I. Pálsdóttir.

Heftið er tileinkað byltingu kvenna gegn áreitni og ofbeldi og þeim viðbrögðum, rannsóknum og aðgerðum sem af henni hafa hlotist og verður leitast við að rýna í ástæður, eðli og afleiðingar #metoo-byltingarinnar frá margvíslegu sjónarhorni og í kenningalegu samhengi.

Fyrirlestraröð RIKK á haustmisseri 2018 er tileinkuð sama þema og er fyrirlesurum sérstaklega boðið að svara kallinu. Áætlað er að birta um 16 greinar. Þá verður einnig gefið út greinahefti á ensku um þemað og verður sérstakt kall sent út vegna þess. Möguleiki er á að sömu greinar birtist í báðum heftum. Read more »

Átak gegn heimilisofbeldi

Skýrslan „Átak gegn heimilisofbeldi – Úttekt á samstarfsverkefni sveitarfélaganna Kópavogs, Hafnarfjarðar og Garðabæjar og Lögreglunnar á höfuðborgarsvæðinu gegn heimilisofbeldi“ er komin út. Úttektin er unnin af RIKK – Rannsóknastofnun í jafnréttisfræðum – fyrir Kópavog, Hafnarfjörð og Garðabæ. Matið byggir á innleggi þess starfsfólks sem að verkefninu kemur, sjónarmiðum þolenda og sérfræðinga á sviðinu ásamt tölulegum gögnum.

Samstarfsverkefni Lögreglunnar á höfuðborgarsvæðinu við Kópavogsbæ, Hafnarfjarðarbæ og Garðabæ um átak gegn heimilisofbeldi hófst hinn 15. maí 2015. Read more »

Fléttur IV – Margar myndir ömmu

Út er komið fjórða hefti ritraðar RIKK, Fléttur IV – Margar myndir ömmu, og er það tileinkað ömmum og langömmum. Í greinunum eru sagðar sögur kvenna sem lifðu þann tíma þegar nútíminn hóf innreið sína á Íslandi. Fræðimenn af ólíkum sviðum, s.s. sagnfræði, guðfræði, félagsfræði, stjórnmálafræði og bókmenntafræði, setja lífshlaup formæðra sinna í samhengi við samfélagsgerðina sem, hvað sem borgaralegum réttindum leið, takmarkaði möguleika þeirra til þátttöku í opinberu lífi og um leið til sjálfstæðis og frelsis. Jafnframt er þáttur þeirra í að endurmóta ríkjandi hugmyndir um kvenleikann og samfélagslegt hlutverk sitt metinn og spurt hvaða tækifæri konur höfðu til þess að hafa áhrif í samfélaginu, bæði með starfi sínu inn á við, í þágu heimilis, en ekki síður út á við, til dæmis í gegnum félagasamtök og kvenfélög sem voru í hverri sveit. Greinarnar draga upp fjölbreyttar myndir af lífi kvenna á Íslandi um aldamótin 1900 og fram á miðja 20. öld með því að tefla saman kenningarlegri nálgun og persónulegri frásögn. Read more »

Áfangamat á samstarfsverkefni um heimilisofbeldi

AfangamatRIKK hefur unnið áfangamat á verkefninu Saman gegn ofbeldi sem er samstarfsverkefni Lögreglunnar á höfuðborgar­svæðinu og Reykjavíkurborgar.

Borgarráð samþykkti 13. nóvember 2014 að Reykjavíkurborg beitti sér fyrir átaki gegn heimilisofbeldi í sam­vinnu við Lögregluna á höfuðborgarsvæðinu. Dagur B. Eggertsson, borgarstjóri og Sigríður Björk Guðjónsdóttir, lögreglustjóri höfuð­borgar­svæðisins, skrifuðu þá undir sam­starfsyfirlýsingu þess efnis. Þessir aðilar lýstu yfir vilja til að vinna að verkefninu í samvinnu við hagsmunasamtök og aðra sem lagt gætu verkefninu lið. Read more »

Fléttur III – Jafnrétti, menning, samfélag

Flettur_III_v6_FinalFöstudaginn 21. febrúar verður haldið útgáfuboð í tilefni af útgáfu þriðja greinasafnsins í ritröð RIKK, Fléttur III, í Öskju stofu 132, kl. 16:00-18:00.

Viðfangsefni bókarinnar eru birtingarmyndir misréttis í samfélagi og menningu og áhrif þess á aðstæður karla og kvenna. Má þar nefna átök femínista af ólíkum skólum á Íslandi, misnotkun valds og andóf í kristinni trúarhefð og stöðu kvenna í bókmenntum og kvikmyndum. Í bókinni er sjónum jafnframt beint að samtvinnun ólíkra þátta mismununar, skörun fötlunar og kyngervis, og íslenskri friðargæslu í ljósi femínískra öryggisfræða. Einnig er rætt um þær afleiðingar sem ofríki karllægrar hugmyndafræði hafði í fjármálakreppunni árið 2008 og í umræðunni um loftslagsbreytingar. Read more »