Ráðstefnur

Category: Ráðstefnur

February 17, 2019

Drögum kynjatjöldin frá: Til móts við kynjaða heildarsýn á áföll og fíkn

Drögum kynjatjöldin frá: Til móts við kynjaða heildarsýn á áföll og fíkn er yfirskrift ráðstefnu sem haldin er á Hótel Natura, hinn 28. febrúar og 1. mars næstkomandi, í samvinnu Rannsóknastofu í jafnréttisfræðum (RIKK),
Rótarinnar – félags um málefni kvenna með áfengis- og fíknivanda, Alþjóðajafnréttisskólans og Jafnréttisstofu. Sjá nánar á sérvef ráðstefnunnar: https://conference.hi.is/genderandaddiction/ og á Facebook.

Svandís Svavarsdóttir, heilbrigðisráðherra, opnar ráðstefnuna með ávarpi en fjöldi erlendra sérfræðinga tekur þátt í henni. Þar er fyrsta að telja Dr. Elizabeth Ettorre, prófessor emerítus í félagsfræði og félagsmálastefnu við Háskólann í Liverpool og Leverhulme Emeritus styrkþega, heiðursprófessor við Árósaháskóla og Háskólann í Plymouth á Bretlandi. Hún fjallar um konur, vímuefnaneyslu og samþættingu. Elizabeth hefur starfað við rannsóknir á vímuefnaneyslu síðan á áttunda áratug síðustu aldar og er einn virtasti fræðimaður Evrópu á sínu sviði.

May 23, 2018

NORA ráðstefna 2019 – Kallað eftir ágripum

Ráðstefnur

(See English below)

NORA ráðstefna 2019

Border Regimes, Territorial Discourses & Feminist Politics

22.–24. maí 2019, Reykjavík, Háskóla Íslands

Kallað eftir ágripum

(Kallið er opið til 30. nóvember 2018)

Fræðimönnum á sviði femínisma og kynjafræði er boðið að taka þátt í annarri ráðstefnu NORA um kynjarannsóknir. Á ráðstefnunni verður sjónum beint að hinni ríku hefð í femínískum rannsóknum á Norðurlöndum; að taka þátt í þverfræðilegu starfi og leggja af mörkum til þekkingarframleiðslu sem miðar að því að blanda sér málefni samtímans. Skipuleggjendur ráðstefnunnar eru RIKK –rannsóknarstofnu í jafnréttisfræðum, Jafnrétttisskóli Háskóla Sameinuðu þjóðanna og EDDU – Rannsóknasetur við Háskóla Íslands.

Ef óskað er frekari upplýsinga vinsamlega hafið samband í netfangið noragender@hi.is. Read more »

October 1, 2017

Femínísk andspyrna gegn uppgangi þjóðernishyggju og popúlisma

Fréttir, Ráðstefnur

Alþjóðleg ráðstefna, 4.-6. október 2017

Alþjóðaráðstefnan „Femínísk andspyrna gegn uppgangi þjóðernishyggju og popúlísma“ verður haldin í fyrirlestrasal Landsbókasafns Íslands – Háskólabókasafns dagana 4.-6. október 2017. Hér um að ræða þriðju þriðju ráðstefnu RINGS (The International Research Association of Institutsions of Advanced Gender Studies) sem er alþjóðlegt samstarfsnet rannsóknastofnanna á sviði kynja- og jafnréttisfræða með þátttakendum frá Afríku, Ástralíu, Karíbahafinu, Evrópu og Norður-Ameríku. Rannsóknasetrið EDDA, RIKK – rannsóknastofnun í jafnréttisfræðum og Jafnréttisskóli Háskóla Sameinuðu þjóðanna, sem eru stofnaðilar að RINGS, skipuleggja ráðstefnuna. Frá því að samstarfsnetið var stofnað árið 2014 við Örebru-háskóla hafa verið haldnar tvær ráðstefnur á vegum þess: önnur í Prag árið 2015 og hin í Höfðaborg árið 2016. Read more »

November 1, 2016

Ráðstefna um gerendur – Confronting Gendered Violence

Fréttir, Ráðstefnur

RIKK er skipuleggjandi norrænnar ráðstefnu um heimilisofbeldi og ofbeldi í nánum samböndum þar sem sjónum verður beint að gerendum á Norðurlöndum og leitað leiða til að brjóta upp vítahringi ofbeldis. Tilgangur ráðstefnunnar er að auka þekkingu í málaflokknum og kanna ólíkar leiðir til að fást við heimilisofbeldi og ofbeldi í nánum samböndum. Á ráðstefnunni verða kynntar nýjar rannsóknaniðurstöður norrænnar skýrslu um leiðir til að koma í veg fyrir heimilisofbeldi og ofbeldi í nánum samböndum og skapaður vettvangur til að deila þekkingu, ræða innleiðingu Istanbúl-sáttmálans. Þá er ætlunin að mynda norrænt net fagfólks sem kemur að málefnum gerenda.

Markhópur ráðstefnunnar eru aðilar sem vinna að málum er varða gerendur í heimilisofbeldi og ofbeldi í nánum samböndum; stefnumótendur og sérfræðingar, sem og frjáls félagasamtök, rannsakendur, stofnanir og stoðkerfi innan Norðurlandanna. Á ráðstefnunni verður boðið upp á málstofur og vinnustofur þar sem kynnt verður meðferð fyrir gerendur, rannsóknir tengdar gerendum og stofnanir og félagsleg umgjörð. Read more »

September 6, 2016

Dagskrá RIKK á haustmisseri 2016

Fréttir, Hádegisfyrirlestrar, Málþing, Ráðstefnur

Haustdagskrá RIKK hefst fimmtudag 8. september með fyrirlestri Sigrúnar Sigurðardóttur um áhrif ofbeldis á heilsufar. Eins og fyrr er fyrirlestraröðin hýst í fyrirlestrasal Þjóðminjasafnsins, kl.12-13 á fimmtudögum.

Aðrir viðburðir á haustmisseri eru málþing um intersex fólk, sem haldið er í samstarfi við þverfræðilegt nám í kynfræði við Háskóla Íslands og félagið Intersex Ísland, og ráðstefnan Confronting gendered violence: Focus on perpetrators. Norræn ráðstefna sem haldin er í samstarfi við NIKK – norrænu upplýsingamiðstöðina um kynjajafnrétti – og velferðarráðuneyti Finnlands. Nánari upplýsingar um ráðstefnuna er að finna á vefnum: http://cgv.hi.is/. Read more »

January 18, 2016

Myndbandsupptökur frá kosningaréttarráðstefnu

Fréttir, Ráðstefnur, Upptaka

Í tilefni af 100 ára afmæli kosningaréttar kvenna var efnt til alþjóðlegrar hátíðarráðstefnu í Hörpu dagana 22.-23. október 2015. Fyrri daginn var sjónum beint að baráttunni fyrir almennum kosningarétti og þróun borgaralegra réttinda kvenna á þeim hundrað árum sem liðin eru frá því að konur hlutu kjörgengi og kosningarétt á Norðurlöndum. Síðari daginn var leitast við að svara þeirri spurningu hvaða ógnir steðji að borgaralegum réttindum kvenna í dag. Ráðstefnan var haldin í Hörpu og er bæði almenns og fræðilegs eðlis og fór fram á ensku.