Þann 22. maí flutti Alda Valdimarsdóttir, bókmenntafræðingur, fyrirlesturinn Jane Austen og kvennamenning.

Fjallað var um Jane Austen og hina svokölluðu janeista en svo kallast sá hópur sem hefur brennandi áhuga á skáldkonunni og öllu sem viðkemur henni. Janistar eru neytendur sem kaupa Austen-tebolla og tíðarandatímarit, fara í menningartengdar ferðir á slóðir skáldkonunnar og lesa bækur sem tengjast Austen-menningu. Janeistarnir eru ekki aðeins dyggustu aðdáendur skáldkonunnar heldur einnig óbeislaður hópur sem ögrar akademíunni og þeim gildum sem hámenningin leggur mest upp úr.