Netverkið Gendering Asia

Rannsóknastofa í kvenna- og kynjafræðum er, ásamt EDDU – öndvegissetri, aðili að norræna netverkinu Gendering Asia. Markmið netverksins er að efla rannsóknir á mótum asískra fræða og kynjafræða innan félags- og hugvísinda á Norðurlöndunum, með ráðstefnuhaldi, útgáfu og fundum fræðimanna á sviðinu.

Netverkið hlaut styrk frá NordForsk-sjóðnum sem gerir því kleift að halda þrjá fundi eða vinnustofur þar sem rannsakendur fá tækifæri til að hittast, skiptast á hugmyndum og þróa rannsóknarsamvinnu. Einkum er hugað að þróun kynjafræðikenninga innan asískra fræða, að framlagi rannsókna á asískum samfélögum til kynjafræða og að stöðu og birtingarmyndum Asíu á Norðurlöndunum. Fyrsta vinnustofa netverksins var haldin í Kaupmannahöfn í nóvember 2010. Önnur vinnustofan var haldin hér í Reykjavík í október 2011 og sú þriðja í Noregi árið 2012.

Hér eru upplýsingar um netverkið á heimasíðu NordForsk og hér er heimasíða netverksins.

 

 

 

 

 

 

 

 

 

 

Þátttakendur í Gendering Asia-vinnustofunni í Reykjavík 10.-13. október 2011.